Tilkynningar

Til að komast beint inn í félagatal LMFÍ er hægt að smella á "íslenska" í dálkinum til vinstri eða á tengilinn "Vantar þig lögmann?" sem kemur upp á miðri síðu á ýmsum tungumálum.

Til þess að komast inn á læsta hluta síðunnar þurfa lögmenn aðgangsorð sem er kennitala, s.s.  110101-2209 og lykilorð fá þeir með því að ýta á tengilinn "gleymt lykilorð". Kerfið sendir sjálft út lykilorðið á netfang lögmannsins eftir smá stund.  

Greiðsla árgjalda til LMFÍ fyrir yfirstandandi ár.

Gíróseðlar vegna árgjalds til Lögmannafélags Íslands og félagsdeild LMFÍ fyrir yfirstandandi ár voru sendir félagsmönnum í maí s.l. en gjalddagi var 1. júní. Þeir lögmenn sem enn hafa ekki gengið frá greiðslu árgjaldsins eru hvattir til að greiða það hið fyrsta. Einnig eru þeir félagsmenn sem skulda eldri árgjöld hvattir til að ganga frá greiðslu án tafar en ógreiddar gjaldfallnar árgjaldsskuldir verða sendar í lögfræðiinnheimtu innan tíðar.

Skil fjárvörsluyfirlýsinga vegna ársins 2005.

Þann 1. október s.l. rann út frestur sjálfstætt starfandi lögmanna til að skila inn fjárvörsluyfirlýsingum fyrir árið 2005. Eru lögmenn sem enn hafa ekki skilað slíkri yfirlýsingu, hvattir til að ganga frá sínum málum án tafar, þannig að stjórn félagsins þurfi ekki að leggja til niðurfellingu málflutningsréttinda við dómsmálaráðherra á grundvelli 3. sbr. 1. mgr. 13. gr. lögmannalaga nr. 77/1998, sbr. 8. gr. laga nr. 93/2004..