Íþróttir

 

Föstudaginn 15.október fór fram hið árlega meistaramót LMFÍ í utanhússknattspyrnu. Að þessu sinni fór móti fram á hinu nýja gervigrasi Fótboltafélags Reykjavíkur (á dönsku: Boldklubben Frem, á ensku: FC Forward) við Álftamýri. Allar aðstæður voru hinar bestu, blankalogn og heiður himinn.  

Að þessu sinni bar hið ítursterka og íturvaxna lið Grínarafélagið á Mörkinni höfuð og herðar yfir andstæðinga sína á vellinum og sigraði örugglega. Á meðfylgjandi mynd sést sigurliðið en hver það var sem gekk framhjá og allir horfa á (nema Smári) skal ósagt látið.

 

Eins og góðra lögmanna er siður lætur Tómas Jónsson viðskiptavininn ALDREI bíða og hann er ALLTAF númer eitt. Hér sést Tómas Jónsson sinna verkum!

 

Erlendur Gíslason vakti sérstaka athygli fyrir fiman fótaburð og töldu margir nýjum fótboltaskóm að þakka. Frést hefur af þessu erlendis og hyggst Adidas hefja framleiðslu á nýjum fótboltaskóm í þessum dúr sem henta sérstaklega vel fyrir lögmenn sem þurfa þá ekki að skipta um skó er þeir fara úr réttarsal í fótbolta.

 

 

 

 Þetta kampakáta lið mátti sætta sig við næst-neðsta sætið í mótinu en drakk þó glatt sinn mjöð. Það taldi víst að... "þeirra tími myndi koma" hvað sem það nú þýddi!

"Að tapa er það sama og sigra þótt að sigra sé ekki það sama og tapa." Takið eftir hárspreybrúsanum sem er alltaf við hendina hjá snyrtilegum lögmönnum!

Til að sýna og sanna að spilaður var fótbolti (sést ekki á þessum vel uppstilltu myndum hér á undan) þá verður þessi látin enda sýninguna.