Námskeið

NÁMSKEIÐ TIL UNDIRBÚNINGS PRÓFI TIL AÐ ÖÐLAST RÉTTINDI TIL AÐ VERA HÉRAÐSDÓMSLÖGMAÐUR

Prófnefnd samkvæmt reglugerð nr. 1095/2007 um próf til að öðlast réttindi til að vera héraðsdómslögmaður, sbr. lög nr. 77/1998 um lögmenn og lög nr. 93/2004, hefur ákveðið að halda námskeið vorið 2012. Prófraunin skiptist í tvo hluta, auk verklegrar prófraunar.

Kennslugreinar í fyrri hluta eru: Einkamálaréttarfar, sakamálaréttarfar, fullnustu­réttarfar, samning lögfræðilegrar álitsgerðar og lögfræðileg skjalagerð. Kennslu­greinar í síðari hluta eru: Réttindi og skyldur lögmanna, þar á meðal siðareglur lögmanna og þóknun ...

Farið yfir mál frá því stefna er gefin út og þar til dómur er fallinn. M.a. verður fjallað um gagnaöflun og frágang skjala sem lögð eru fyrir dóm sem og tímafresti dómstóla.

Fjallað verður um heimildir vátryggingafélaga til takmörkunar á ábyrgð í vátryggingarétti, um vátryggingasamninga í samningaréttarlegu samhengi og ákvæði laga um vátryggingasamninga nr. 30/2004.  Að lokum verður beiting umræddra reglna í réttarframkvæmd hér á landi og í nágrannalöndum skoðuð.  

Fjallað verðum um umboðssvik og afmörkun þess gagnvart skyldum brotum. Sérstaklega verður fjallað um brot í fjármálastarfsemi og nýja dóma sem fallið hafa á þessu sviði.

Fjallað verður um ný lög um fjölmiðla nr. 38/2011 og þær breytingar sem þau hafa í för með sér. Rætt verður réttindi og skyldur fjölmiðla, fjallað um hverjir geti borið ábyrgð á efni sem birtist í fjölmiðlum og í hvaða röð þeir beri ábyrgð. Því næst verður vikið að mörkum tjáningarfrelsis og annarra mannréttinda. Þá verður sérstaklega fjallað um nýmæli fjölmiðlalaga varðandi bann við hatursáróðri og þá einkum í tengslum við ákvæði almennra hegningarlaga um meiðyrði. Loks verður fjallað um svokallað meiðyrðamálaflakk, þar sem meiðyrðamál eru höfðuð fyrir dómstólum, sem stefnandi telur sér hagfelldast, en slíkir dómar
kveðnir upp innan EES eru fullnustuhæfir hér á landi.

Farið verður yfir helstu atriði sem lögmenn þurfa að hafa í huga við gerð lögfræðilegra álitsgerða eins og uppbyggingu og aðferðafræði. Einnig verður fjallað um algeng mistök sem gerð eru við samningu lögfræðilegra álitsgerða.

Ein ástsælasta söngkona þjóðarinnar, Diddú, verður sótt heim í Túnfót þar sem hún mun fara yfir tónlistarferilinn frá því hún söng með Spilverki þjóðanna í „denn" og til dagsins í dag. Missið ekki af ógleymanlegri stund með Diddú og Önnu Guðnýju Guðmundsdóttur píanóleikara. Vinir og vandamenn lögmanna velkomnir á viðburðinn.

Guðjón Friðriksson sagnfræðingur mun fræða þátttakendur um húsin í gömlu Reykjavík með áherslu á þau sem lögfræðingar bjuggu í eða störfuðu. Hvar orti Tómas Guðmundsson aftan á stefnur og víxiltilkynningar í stað þess að praktísera?

Farið verður yfir nýlegar breytingar á gjaldþrotaskiptalögum, lögum um greiðsluaðlögun og þau úrræði sem eru fyrir hendi í greiðsluvanda einstaklinga.

Fjallað verður um helstu reglur sem lúta að formi og efni kröfugerðar í dómsmálum. Sérstaklega verður fjallað um hvaða vandamál koma upp við samningu kröfugerðar, hvaða atriði ber að varast og hvaða annmarkar verða til þess að málum er vísað frá