Kjör heiðursfélaga

Reglur um kjör heiðursfélaga Lögmannafélags Íslands

1. gr.

Heiðursfélagi Lögmannafélags Íslands er sæmdarheiti, sem hlotnast mönnum fyrir mikilsvert framlag þeirra til eflingar félaginu og/eða lögmannastéttinni og sem eiga að baki farsælan starfsferil sem lögmenn.

2. gr.

Stjórn LMFÍ kýs félaginu heiðursfélaga, sbr. 22. gr. samþykkta LMFÍ. Til kjörs á heiðursfélaga þarf samhljóða atkvæði stjórnarmanna.

Kjör heiðursfélaga skal staðfest á félagsfundi LMFÍ.

3. gr.

Kjöri heiðursfélaga skal lýst á aðalfundi eða við annað sérstakt tilefni. Fulltrúum fjölmiðla má bjóða að vera viðstaddir athöfnina.

4. gr.

Á heiðursskjali, sem útbúa skal í tilefni af kjöri á heiðursfélaga, skal rita nafn og starfsheiti þess, sem sæmdina hlýtur. Jafnframt skal rita þar hverjir sérstakir verðleikar eru tilefni kjörsins.

Heiðursskjalið skal undirritað af stjórn LMFÍ.

5. gr.

Skrá skal í sérstaka gerðarbók nafn heiðursfélaga og dagsetningu kjörsins. Ennfremur skal þar skrá tilefni sæmdarinnar sömu orðum og skráð eru á heiðursskjalið.

6. gr.

Heiðursfélagi skal njóta allra réttinda sem félagsmaður LMFÍ og er undanþeginn greiðslu árgjalds til félagsins. Honum skal boðið ásamt maka að sitja árshátíð og aðrar stórhátíðir félagsins.

Þannig samþykkt á stjórnarfundi LMFÍ 9. september 1999.

Heiðursfélagar LMFÍ

• † Sveinn Björnsson, forseti Íslands (einn stofnenda og fyrrum formaður félagsins) (1951)
• † Lárus Fjeldsted, hrl. (1951)
• † Lárus Jóhannesson, hrl. og hæstaréttardómari (1961)
• † Einar Baldvin Guðmundsson, hrl. (1971)
• † Sveinbjörn Jónsson, hrl. (1971)
• † Theodór B. Líndal, prófessor og hrl. (1971)
• † Rannveig Þorsteinsdóttir, hrl. (1979)
• † Ágúst Fjeldsted, hrl. (1986)
• † Egill Sigurgeirsson, hrl. (1986)
• Guðmundur Pétursson, hrl. (1996)
• Sveinn Snorrason, hrl. (1996)
• Guðmundur Ingvi Sigurðsson, hrl. (2000)
• Árni Guðjónsson, hrl. (2002)
• Jón Finnsson, hrl. (2002)

 

---