Dagana 22. - 27. september mun félagsdeild LMFÍ standa fyrir námsferð til Tallinn í Eistlandi sem þykir ein fallegasta borg Evrópu með borgarmúrum frá miðöldum og gömlum bæjarhluta sem á engan sinn líka.           

 Flogið verður til Tallinn í gegnum Stokkhólm miðvikudaginn 22. september. Á fimmtudeginum verður leiðsögn um borgina sem er stundum kölluð eitt best varðveitta leyndarmál Evrópu. Á föstudeginum verður fagleg dagskrá, nánar auglýst síðar, en á laugardeginum verður farin dagsferð út úr borginni, í þjóðgarðinn Lahemaa National Park sem er einstök náttúruparadís. Endað verður á miðaldarkvöldverði á hinum fræga veitingastað Olde Hansa í Tallinn. Mánudaginn 27. september verður siglt með ferju til Helsinki og flogið þaðan til Íslands.  

                        Verð

                        Kr. 135.000,- m.v. tveggja manna herbergi

                        Kr. 149.500,- m.v. eins manns herbergi.

Innifalið er flug, flugvallarskattar, ferðir til og frá flugvelli, gisting með morgunverði, skoðunarferð um borgina ásamt hádegisverði, dagsferð í þjóðgarð ásamt hádegisverði, hátíðarkvöldverður á miðaldarveitingahúsi og sigling til Helsinki.

Skráning stendur til 15. apríl en kr. 40.000,- staðfestingargjald greiðist fyrir 1. maí.

Skráning hér Athugið að sætafjöldi er takmarkaður, svo fyrstir koma, fyrstir fá.

f.h. félagsdeildar LMFÍ
Eyrún Ingadóttir