Fréttir

Þátttakendur sjá sjálfir um að koma sér til Akureyrar en þeir sem vilja geta tekið áætlunarflug frá Reykjavík til Akureyrar á laugardagsmorguninn kl. 7:45 og verða sóttir á flugvöllinn kl. 8:30.
Farið verður með rútu frá Akureyri laugardaginn 21. ágúst kl. 8:30-9:00. Ganga á Herðubreið tekur um sjö klukkustundir og er áætlað að koma niður um kl. 19:00. Þá verður grillað og gist í Þorsteinsskála í Herðubreiðarlindum. Lagt verður af stað kl. 12:00 á sunnudegi til Akureyrar og er áætlaður komutími þangað kl. 14:30. Ganga á Herðubreið er erfið og er hækkunin um 1050 metrar. Gerð er sú krafa að þátttakendur séu í góðu formi (Komist upp að steini á Þverfellshorni Esjunnar á klukkustund). Gangan getur einnig verið hættuleg vegna grjóthruns og því verða ferðalangar að hafa hjálm meðferðis.

Fararstjóri verður Haraldur Örn Ólafsson, hdl.

Verð kr. 19.000,- fyrir félaga í félagsdeild en kr. 23.000,- fyrir aðra. Innifalið er rúta frá Akureyri í Herðubreiðarlindir og til baka, gisting í Þorsteinsskála og kvöldmáltíð.

Vinir og vandamenn velkomnir í ferðina. Takmarkaður fjöldi kemst með svo fyrstur kemur, fyrstur fær.

Skráning hér