Í sumar mun golfnefnd LMFÍ standa fyrir nokkrum golfmótum eins og undanfarin ár. Um er að ræða tvö innanfélagsmót og þrjár keppnir við aðrar starfsstéttir. Sem fyrr er þátttaka opin öllum lögfræðingum.

I. Minningarmót um Guðmund Markússon og Óla Axels 25. júní

Minningarmót um Guðmund Markússon og Óla Axels verður haldið á Leirdalsvelli hjá Golfklúbbi Kópavogs og Garðabæjar, föstudaginn 25. júní nk. kl. 13:00 (mæting kl. 12:30). Leikfyrirkomulag er punktakeppni með og án forgjafar, sem hæst er 24. Í keppni með forgjöf er keppt um ÓLA AXELS BIKARINN og í keppni án forgjafar er keppt um GUÐMUNDARBIKARINN. Mótsstjóri er Jóhannes Eiríksson hdl. johannes@law.is.

Skráning hér fyrir kl. 16:00 miðvikudaginn 23. júní nk. (Munið að taka fram grunnforgjöf þátttakanda). Auk lögfræðinga hafa aðrir vinir Guðmundar og Óla rétt til þátttöku.

II. Fjórleikur við lækna 27. júní

Keppnin fer fram á Strandarvelli á Hellu, sunnudaginn 27. júní nk. kl. 11:00 (mæting kl. 10:30). Allir verða ræstir út samtímis. Venju samkvæmt eru tuttugu sæti laus í liði lögmanna. Forgjöf ræður forgangi í liðið, þannig að þeir tuttugu skipa liðið sem lægsta forgjöf hafa. Umsjónarmaður er Eggert Páll Ólason hdl. eggerto@lbi.is

Skráning hér fyrir kl. 16:00 föstudaginn 25. júní nk. (tölvubréfið skal innihalda grunnforgjöf þátttakanda).

III. Fjórleikur við tannlækna

Upplýsingar verða sendar út síðar.

IV. Fjórleikur við endurskoðendur

Upplýsingar verða sendar út síðar.

V. Meistaramót

Upplýsingar verða sendar út síðar.

Golfhópur lögfræðinga 35 ára og yngri

Í því skyni að þétta frekar raðir yngri lögfræðinga og efla þátttöku þeirra í starfi golfnefndarinnar hefur verið ákveðið að kanna áhuga á því að stofna til sérstaks golfhóps meðal þeirra. Ákveðið var að hafa aldursbilið ekki mjög breitt, alla vega í fyrstu, og því miðað við 35 ára aldur. Líkur eru og á því að eldri lögfræðingar séu nú þegar hluti af öðrum fastmótuðum golfhópum. Hafi hins vegar aðrir lögfræðingar, sem ekki falla innan þessarar aldursafmörkunar, brennandi áhuga á að vera í hópnum þá mun það verða tekið til sérstakrar skoðunar. Hugmyndin er síðan sú að hópurinn, þá annað hvort í einu lagi eða minni hópum, t.d. innan einstakra golfklúbba, spili reglulega saman yfir sumarið. Umsjónarmaður golfhópsins er Jóhannes Eiríksson hdl.

Áhugasamir eru beðnir um að senda tölvubréf í netfangið johannes@law.is fyrir kl. 16:00 föstudaginn 25. júní nk., þar sem fram komi eftirfarandi upplýsingar:

• Nafn.
• Kennitala.
• Grunnforgjöf.
• Golfklúbbur.

Frekari upplýsingar verða sendar á félaga í golfhópnum í kjölfar þess að skráningarfresti lýkur.

3. Golflisti LMFÍ

LMFÍ heldur úti sérstökum netfangalista lögfræðinga sem vilja fá upplýsingar um golfmót sumarsins. Áhugasamir geta skráð sig hér á golflistann: skráning á golflista