Laganefnd

Laganefnd hefur kynnt sér frumvarpið og hið ítarlega fylgiskjal 1. Það er álit nefndarinnar, að meti löggjafarvaldið það svo, að æskilegt eða nauðsynlegt sé að fylgjast sérstaklega með stækkun eignarhluta í fjármálafyrirtækum og eigendum slíkra hluta umfram það sem gert er ráð fyrir t.d. í 10. gr. núverandi laga um banka og sparisjóði, sé í reglum frumvarpsins skynsamlega kveðið á um það, hvernig slíku eftirliti verði við komið. Gerir enda frumvarpið ráð fyrir því, að við eftirlit Fjármálaeftirlitsins verði í hvívetna fylgt reglum stjórnsýslulaga nr. 37/1993.

Þar sem mat á skilvirkni reglna frumvarpsins að öðru leyti byggist m.a. á rekstrarfræðilegum forsendum, sér laganefnd ekki ástæðu til þess að tjá sig frekar um frumvarpið.