Laganefnd

Laganefnd félagsins hefur haft frumvarpið til skoðunar og skilar eftirfarandi umsögn:

Tilgangur frumvarpsins er þríþættur:

Lögfesta heimild fyrir Persónuvernd til þess að ákveða og auglýsa tilteknar EB gerðir hér á landi nú og samsvarandi gerðir í framtíðinni, í samræmi við Forsögn (Directive) EB 95/46, sem lögin um persónuvernd nr. 77/2000 áttu að færa í íslenska löggjöf.

Lögfesta skýrlega lagaskilaákvæði Forsagnar EB 95/46 og

Tryggja, að ákvæði laga um persónuvernd verði betur í samræmi við þær öryggiskröfur í vinnslu upplýsinga, sem Forsögn EB 95/46 gerir ráð fyrir.

Laganefnd telur öll ofangreind markmið eðlileg og að lögfesting frumvarpsins sé líkleg til þess að þau náist og mælir því með samþykkt frumvarpsins.