Úrskurðarnefnd

Hlutverk úrskurðarnefndar.

Úrskurðarnefnd lögmanna starfar samkvæmt lögmannalögum nr. 77/1998 og leysir úr málum eftir ákvæðum þeirra laga.

Í 3. gr. í reglum um meðferð mála fyrir úrskurðarnefnd lögmanna segir:

Hlutverk úrskurðarnefndar lögmanna er:

a) að fjalla um ágreining milli lögmanns og umbjóðanda hans um þóknun lögmannsins, þ.e rétt hans til endurgjalds fyrir störf sín og um fjárhæð endurgjaldsins, enda sé ágreiningnum skotið til nefndarinnar af öðrum hvorum málsaðila eða báðum;

b) að fjalla um kvörtun á hendur lögmanni frá aðila vegna háttsemi, sem kann að stríða gegn lögum eða siðareglum LMFÍ.

Nefndin hefur aðsetur hjá Lögmannafélagi Íslands, sem greiðir kostnað af störfum hennar og sér henni fyrir nauðsynlegri aðstöðu. Í nefndinni sitja þrír aðalmenn og þrír varamenn auk starfsmanns nefndarinnar.

Nefndin hittist fyrsta mánudag hvers mánaðar. Kvartanir þurfa að berast nefndinni tímanlega fyrir fundi á þar til gerð eyðublöð sem finna má á hér heimasíðu félagsins.
Einnig má nálgast eyðublöð á skrifstofu félagsins.
Fylgigögnum þarf að skila í sex eintökum til félagsins.