Aðalfundir

Samkvæmt samþykktum Lögmannafélags Íslands skal halda aðalfund félagins fyrir lok marsmánaðar ár hvert. Á aðalfundi skulu tekin fyrir ársskýrsla stjórnar og úrskurðarnefndar lögmanna fyrir liðið starfsár, endurskoðaðir reikningar fyrir hið liðna reikningsár, ákvörðun um ávöxtun sjóða félagsins, stjórnarkosning, kjör skoðunarmanna reikninga, kjör fulltrúa félagsins í úrskurðarnefnd lögmanna, kjör laganefndar og önnur mál, er upp kunna að verða borin.

Aðalfund félagsdeildar skal halda í tengslum við aðalfund Lögmannafélags Íslands.