Framundan

Farið verður yfir aðdraganda og undirbúning við kaup og sölu fyrirtækja sem og helstu skjöl sem útbúin eru og nýtt í tengslum við slík kaup. Þá verður einnig farið yfir uppbyggingu kaupsamninga um hlutabréf, og samspil helstu ákvæða þeirra, en áhersla verður lögð á þau atriði sem oftast valda ágreiningi við samningsgerð eða eftir undirritun kaupsamnings. Í lokin verður farið yfir helstu leiðir samningsaðila til að minnka líkur á að ágreiningur komi upp eftir undirritun samnings eða afhendingu hlutafjárins, ásamt aðferðum aðila til leiðréttingar kaupverðs eftir afhendingu.  

Það komust færri að en vildu á námskeið Viðars Más Matthíassonar um ábyrgðartryggingar í haust og því höfum við ákveðið að bjóða upp á það aftur. Athugið að takmarkaður fjöldi kemst að á námskeiðinu og það er ekki boðið upp á það í fjarfundi.

Á námskeiðinu verður fjallað ítarlega um ábyrgðartryggingar, sem er sú tegund vátrygginga, sem mesta þýðingu hefur í starfi flestra lögmanna.