Námskeið

Við bjóðum einu sinni enn upp á þetta vinsæla grunnnámskeið þar sem farið verður yfir hvernig lögfræðingar geta nýtt sér gervigreindina í störfum sínum. Hver eru tækifærin og hverjar eru takmarkanirnar? Hvað er ChatGPT og hver er munurinn á ChatGPT og öðrum lausnum?  

Þátttakendur sögðu m.a. þetta: 

• Námskeiðið veitti hagnýta þekkingu sem er beintengd mínu starfi, og ég mun nýta mér það sem ég lærði í framtíðinni. 

• Ég veit aðeins meira um þær gervigreindarlausnir sem til eru og eitthvað smá um muninn á þeim sem eru öruggar og ekki. 

Framtíðin er komin, hagnýting gervigreindar er hafin og margir lofa byltingarkenndri framför samfélagsins. 

Hlutverk lögfræðinga í þessu andrúmslofti er fjölþætt, bæði eykst þrýstingur á notkun mállíkana, eða sérsniðinna gervigreindarlausna í störfum þeirra, en eins þurfa þeir að veita viðskiptavinum sínum og umbjóðendum ráðgjöf. 

Námskeiðið fjallar um gervigreindargerð Evrópusambandsins (EU 2024/1689) sem innleidd verður í íslenskan rétt.  

Að hverju þurfa fyrirtæki að huga þegar þau taka í notkun lausnir sem byggja á gervigreind? Hver er munurinn á þeim sem kaupa tilbúna lausnir til hagnýtingar og þeim sem bjóða lausnir til kaups? Hvað með framleiðendur lausna eða lausnareininga? Skiptir máli ef kaupandi umlykur lausnina inn í sitt útlit og vörumerki? Skiptir máli hvort notkunin er einungis innanhúss eða virk gagnvart ytri aðilum, t.d. viðskiptavinum? Hvað með skaðsemisábyrgð? Hvað eru „stjórnhættir gervigreindar“ og fyrir hverja eru þeir? 

Markmiðið með námskeiðinu er að lögfræðingar öðlist dýpri skilning á mikilvægustu atriðum 2024/1689. Gert er ráð fyrir að þátttakendur hafi grunnskilning á virkni gervigreindar og a.m.k. yfirborðsþekkingu á helstu hugtökum og álitaefnum. 

Athugið að ekki er boðið upp á að sækja námskeiðið í fjarfundi. 

Um er að ræða þrjú tveggja klst. námskeið sem öll verða kennd í fjarnámi (TEAMS) og verður upptakan aðgengileg í 30 daga. 

Prófnefnd verðbréfaréttinda hefur metið hvert námskeið til tveggja klst. endurmenntunar. 

Hagnýt fjármál fyrirtækja fyrir lögfræðinga – 27. apríl 2026 

Farið verður yfir grunnhugtök i fjármálafræði og fjármögnunarkosti fyrirtækja, þ.e. hvaða tækifæri fyrirtæki hafa til að afla sér fjármagns til skemmri og lengri tíma. Sérstaklega verður vikið að því hvernig hægt er að koma að verðmati á hlutabréfum og hvernig við getum reiknað út núvirði á skuldabréfum. Þá verður farið yfir hvernig ávöxtunarkrafa er reiknuð út og hvaða atriði ber að varast við slíkan útreikning. 

Greining og lestur ársreikninga fyrir lögfræðinga – 29. apríl 2026 

Á námskeiðinu verður farið yfir ársreikninga fyrirtækja og viðeigandi aðferðafræði við að greina þá.  Fjallað verður um hvaða lykilstærðir rétt er að horfa til í greiningu ársreikninga, þ.m.t. kennitölugeiningu, og lögð áhersla á þau atriði sem mestu máli skipta í núverandi rekstrarumhverfi. Farið verður yfir hvaða atriði skipta máli við mat á greiðsluhæfi fyrirtækja og rekstrarhæfi þeirra. Farið verður yfir raunveruleg íslensk dæmi til að gefa enn dýpri innsýn og skilning á viðfangsefnið. 

Hagnýt hagfræði og verðmat fyrirtækja fyrir lögfræðinga – 4. maí 2026 

Á námskeiðinu verður yfir lykilatriði í rekstrarhagfræði annars vegar og þjóðhagfræði hins vegar. Ennfremur verður farið yfir mikilvæg hugtök sem snúa með beinum hætti að nútíma hagfræði, s.s. verðbólga, peningastefna Seðlabankans, verðbólguvæntingar, viðskiptajöfnuð, styrking og veiking gjaldmiðla. Þá verður farið yfir lykilþætti í verðmati fyrirtækja og til hvaða atriða ber að horfa sérstaklega við þegar verðmat fyrirtæka er rýnt.

Nýjar kenningar um svigrúm löggjafans til þess að setja eignarréttindum almenn takmörk 

Almennt er gengið út frá því að eiganda sé heimilt að nýta eign sín á þann hátt sem honum sýnist, nema lög eða samningar setji nýtingunni skorður. Í samfélagi nútímans er þetta þó verulegum takmörkunum háð og má segja að það sé ákveðin einföldun fólgin í því að lýsa eignarrétti manna með svo opnum og almennum hætti. Nægir í því sambandi að nefna takmarkanir og skyldur á sviði umhverfisréttar og skipulagsmála. Þá má af dómaframkvæmd undanfarinna áratuga ráða að löggjafinn hafi umtalsvert svigrúm til þess að setja eignarrétti manna skorður í þágu almannahagsmuna, án þess að það hafi sérstaklega lögfylgjur í för með sér.   

Á þessu námskeiði verður fjallað um nýja nálgun á stjórnskipulegan eignarrétt sem byggir á áralöngum rannsóknum kennara námskeiðsins og mun mynda grundvöll að lokabindi ritraðar höfunda um eignarétt. Ýmsum spurningum verður svarað á námskeiðinu, eins og hvort rétt sé að nálgast almennar takmarkanir eignarréttarins á annan hátt en gert hefur verið hingað til, hvort skaðabætur séu yfirleitt viðeigandi úrræði þegar gengið er of langt í skerðingu eignarréttar og að hvaða marki gæti verið rétt að skerpa eða fínstilla meðalhófsregluna. 

Lögmannafélag Íslands og dómstólasýslan standa fyrir námskeiði fyrir dómkvadda matsmenn. Skráning á póstlista.