Námskeið fyrir matsmenn - 6. og 7. október 2026

Lögmannafélag Íslands og dómstólasýslan standa fyrir námskeiði fyrir dómkvadda matsmenn. Farið verður yfir hlutverk matsmanna og starf þeirra frá dómkvaðningu og þar til þeir skila matsgerð og/eða mæta fyrir dóm. Þá verður farið yfir ákvæði einkamálalaga sem varða störf matsmanna og samningu matsgerða, undirbúning matsfunda, uppsetningu matsgerða og störf á vettvangi. Í lok síðari námskeiðsdags verður haldið í Héraðsdóm Reykjavíkur þar sem héraðsdómari mun upplýsa nánar um samskipti dómkvaddra matsmanna við dómstólana og svara spurningum.  

Námskeiðið er ætlað öllum þeim sem hafa verið matsmenn eða vilja gefa kost á sér sem matsmenn fyrir dómi á sínu sérsviði, s.s. iðnaðarmönnum, tækni- og verkfræðingum, heilbrigðisstarfsfólki, lögfræðingum,  sálfræðingum, viðskiptafræðingum og endurskoðendum.   

Með námskeiðinu fylgja ítarlegar leiðbeiningar fyrir dómkvadda matsmenn sem jafnframt hafa að geyma áhugaverða dóma sem snúa að störfum matsmanna.  Einnig er hægt er að sækja námskeiðið í fjarfundi.  

• Kennari  Viðar Lúðvíksson lögmaður hjá Landslögum. 
• Staður       Eignaumsjón, Suðurlandsbraut 30, 108 Reykjavík (gengið inn ofan af bílastæði á annarri hæð.) 
• Tími                 Alls 6 klst. Þriðjudagur 9. okt. kl. 13.00-16.00 og miðvikudagur 10. okt.  kl. 13.00-16.00. Tímasetning heimsóknar í Héraðsdóm Reykjavíkur verður auglýst síðar.    
• Verð kr. 62.000,-   

Skráning