Sérstakt hæfi dómara 1. október 2026

Samkvæmt 1. mgr. 70. gr. stjórnarskrárinnar nr. 33/1944 ber öllum réttur til að fá úrlausn um réttindi sín og skyldur eða um ákæru á hendur sér um refsiverða háttsemi með réttlátri málsmeðferð innan hæfilegs tíma fyrir óháðum og óhlutdrægum dómstóli.  

Viðfangsefni námskeiðsins er að lýsa þeim reglum sem gilda á Íslandi og ætlað er að tryggja óhlutdrægni dómara í störfum þeirra. Fjallað er almennt um það hvað felst í framangreindri kröfu stjórnarskrárinnar um óhlutdrægan dómstól og vikið að þeim grunnsjónarmiðum sem liggja að baki reglum um sérstakt hæfi dómara. Þá verða einnig tekin til skoðunar álitaefni sem hafa komið upp í tengslum við það hvernig standa beri að ákvörðun um sérstakt hæfi dómara.  

Meginviðfangsefni námskeiðsins er að gera grein fyrir efni íslenskra lagareglna um sérstakt hæfi dómara en þeim má skipta annars vegar í hlutlægar hæfisreglur og hins vegar matskenndar hæfisreglur. Þá verður farið yfir þróun í dómaframkvæmd Hæstaréttar frá síðustu aldamótum og að auki réttarframkvæmd Landsréttar frá stofnun hans. 

Kennari             Jóhannes Sigurðsson lögmaður og fv. landsréttardómari.  

Staður                 Eignaumsjón, Suðurlandsbraut 30, 108 Reykjavík (gengið inn ofan af bílastæði á annarri hæð.)  

Tími                           Alls 2 klst. Fimmtudagur 1. okt. 2026 kl. 11.00-13.00.   

Verð                  Kr. 20.700,- fyrir félaga í félagsdeild LMFÍ, kr. 27.600,- fyrir félaga í LMFÍ og LÍ en kr. 34.500,- fyrir aðra. 

Skráning hér