Þríleikur í fjármálum og hagfræði fyrir lögfræðinga 27. apríl til 4. maí 2026
Um er að ræða þrjú tveggja klst. námskeið sem öll verða kennd í fjarnámi (TEAMS) og verður upptakan aðgengileg í 30 daga.
Hagnýt fjármál fyrirtækja fyrir lögfræðinga – 27. apríl 2026
Farið verður yfir grunnhugtök i fjármálafræði og fjármögnunarkosti fyrirtækja, þ.e. hvaða tækifæri fyrirtæki hafa til að afla sér fjármagns til skemmri og lengri tíma. Sérstaklega verður vikið að því hvernig hægt er að koma að verðmati á hlutabréfum og hvernig við getum reiknað út núvirði á skuldabréfum. Þá verður farið yfir hvernig ávöxtunarkrafa er reiknuð út og hvaða atriði ber að varast við slíkan útreikning.
Greining og lestur ársreikninga fyrir lögfræðinga – 29. apríl 2026
Á námskeiðinu verður farið yfir ársreikninga fyrirtækja og viðeigandi aðferðafræði við að greina þá. Fjallað verður um hvaða lykilstærðir rétt er að horfa til í greiningu ársreikninga, þ.m.t. kennitölugeiningu, og lögð áhersla á þau atriði sem mestu máli skipta í núverandi rekstrarumhverfi. Farið verður yfir hvaða atriði skipta máli við mat á greiðsluhæfi fyrirtækja og rekstrarhæfi þeirra. Farið verður yfir raunveruleg íslensk dæmi til að gefa enn dýpri innsýn og skilning á viðfangsefnið.
Hagnýt hagfræði og verðmat fyrirtækja fyrir lögfræðinga – 4. maí 2026
Á námskeiðinu verður yfir lykilatriði í rekstrarhagfræði annars vegar og þjóðhagfræði hins vegar. Ennfremur verður farið yfir mikilvæg hugtök sem snúa með beinum hætti að nútíma hagfræði, s.s. verðbólga, peningastefna Seðlabankans, verðbólguvæntingar, viðskiptajöfnuð, styrking og veiking gjaldmiðla. Þá verður farið yfir lykilþætti í verðmati fyrirtækja og til hvaða atriða ber að horfa sérstaklega við þegar verðmat fyrirtæka er rýnt.
---
Leitast verður við að hafa yfirferðina eins hagnýta og kostur er. Þátttakendur geta komið með óskir um umfjöllunarefni á þessu sviði í skráningarformi.
Námskeiðin hentar mjög vel fyrir lögmenn sem vilja hafa grundvallarskilning á fjármálum fyrirtækja, hagfræði, ársreikningum og verðmati fyrirtækja. Þau henta vel fyrir lögfræðinga sem starfa innan fyrirtækja og fjármálageirans eða hafa áhuga á að taka að sér stjórnarsetu, stofna og/eða reka fyrirtæki.
Prófnefnd verðbréfaréttinda hefur metið hvert námskeið til 2 klst. endurmenntunar.
- Kennari Elmar Hallgríms Hallgrímsson framkvæmdastjóri hjá Ösp líftryggingarfélagi, lögfræðingur og Ms. í fjármálum fyrirtækja.
- Staður Námskeiðin eru kennd í fjarfundi
- Tími Alls 3 x 2 klst. Mánudagur 27. apríl, miðvikudagur 29. apríl og mánudagur 4. maí 2026 kl. 11.00-13.00.
- Verð Hvert námskeið kostar kr. 20.700,- fyrir félaga í félagsdeild LMFÍ, kr. 27.600,- fyrir félaga í LMFÍ og LÍ en kr. 34.500,- fyrir aðra. 15% afsláttur er veittur til þeirra sem sækja fleiri en eitt námskeið.
Skráning hér: